Прислужници

Содржина

„Прислужници“ е елегантен акциски трилер за одмаздата, семејството и потрагата по правда. Во сржта на филмот е една љубовна приказна, каде границата помеѓу доброто и злото е замаглена и секој носи во себе смртоносна тајна. Данте, Луис и Перфекто Мендоза се браќа раздвоени откако ги губат родителите во една трагична несреќа пред многу години. Сега, како возрасни, тие повторно се здружуваат и повторно ги градат своите животи. Но, кога најстариот, Луис – кој има станато пастор- е убиен на улица, двајцата браќа се заколнуваат дека ќе остават сѐ и ќе бараат одмазда. Селест Сантана е детективка на њујоршката политика. И таа има нерасчистени сметки. Пред многу години, една група одметници, наречена „Прислужници“ пред нејзините очи го има убиено нејзиниот татко, кој бил полицаец. А сега, по тринаесет години, тие повторно почнуваат да убиваат – но, овој пат таа може да стори нешто во врска со тоа. Со помош од нејзиниот партнер, детектив Бруно, кој е полициски ветеран и има работено со нејзиниот татко, Селест ја следи трагата на убијците. Единствениот проблем е што таа несвесно се вљубува во својот непријател и тукушто ќе ја открие вистинската тајна за смртта на нејзиниот татко. Кога сите оружја се вадат, таа ќе мора да донесе тежок избор за начинот на кој се задоволува правдата.