Патот назад

Содржина

Во кампот во Сибир, Јануш ги запознава г. Смит (Ед Херис), американски инженер на метро системи, актерот по име Кабаров (Марк Стронг), Валка (Колин Фарел), закоравен руски криминалец, Томаш, уметник и готвачот во групата, Казик, Полјак кој пати од ноќно слепило, латвискиот свештеник Вос и Зоран, југословенскиот сметководител. Кабаров му се доверува на Јануш дека има план за бегство. Кабаров ја предлага рутата на југ до Монголија, преминувајќи го Бајкалското Езеро. Откако е осуден да работи во рудниците, Јануш решава да го примени планот за бегство при што ќе му помогне големата снежна бура. Смит, Валка, Зоран, Вос, Томаш и Казик бегаат со него.
Тие сега се слободни, но и нивната смрт е речиси гарантирана бидејќи шансата да се помине опасната патека која ги води до безбедност е речиси без шанси за успех, а теренот кој мораат да го поминат е премногу суров. На нивниот пат тие се соочуваат со снежна бура, комарци, глад, пустина, песочни бури, жед, а по пат им се придружува и Ирена (Саоирс Ронан), тинејџерката од Полска која исто така е бегалка. Тие одат 6500 км преку сибирската граница, низ Монголија, преку пустината Гоби, Тибет и конечно преку Хималаите, до слободата во Индија