Господин Магу

Содржина

Сите го сакаат Магу! Овој веселко е секогаш среќен и сака да помогне. Но бидејќи не сфаќа дека очајно му се потребни очила, тој продолжува да предизвикува катастрофи!
Господин Магу е динамичен повозрасен господин кој ги користи сите благодати на пензијата. Премногу е љубопитен, остроумен... и скоро е слеп како крт. Во комбинација со непоколебливата доверба, неговата слабовидност значи дека господин Магу никогаш не е на местото на коешто мисли дека се наоѓа, никогаш не прави работи за кои верува дека ги прави (во различни нијанси, како што ќе видиме подоцна). Во друштво на својот верен придружник, господинот Мачор, куче за коешто тој мисли дека е мачор, на Магу никогаш не му е здодевно. Тој посетува музеи, оди на романтични состаноци, игра голф, вози картинг... или се опушта во градината на ритуалната неделна скара со Ласицата, неговиот одличен сосед. Но соседот е “одличен“ само на изглед! Ласица е многу добар во преправање.