Содржина
По 12 години од трагичната смрт на нивното мало девојче, изработувачот на кукли и жена му примаат чесна сестра и неколку девојчиња од дом за сираци во својот дом, каде што наскоро стануваат мета на опседнатата креација на кукларот, Анабела. Во 1943 година кукларот Самуел Мулинс и жена му Естер жалат за губењето на своето седумгодишно девојче Анабела Би, која била убиена во сообраќајка. По 12 години, во 1955-тата, семејство Мулинс го отвора својот дом за засолниште на сестра Шарлот и шесте девојчиња оставени без дом по затворањето на сиропиталиштето. Покрај тоа што е кажано да не влегуваат во заклучената соба на Би, Џенис, младо сираче онеспособено од полио, разбудена од силен звук, открива белешка што вели „најди ме“, и се прикрадува во собата, која мистериозно е отклучена. Таа наоѓа клуч за шкафот на Би и го отклучува, каде што гледа морничава порцеланска кукла. Тоа непосакувано ослободува моќен демон, кој почнува да ги тероризира девојчињата, покажувајќи посебен интерес за Џенис.