Ме помниш?

Содржина

Таа е нарколептична, тој е клептоман. Случајно се среќаваат пред вратата на нивниот психијатар. Помеѓу ненадејните нагони за спиење и ситните кражби, Роберто се вљубува во Беатрис и одлучува дека таа е жената на неговиот живот...
Еднаш одамна, пред вратата на еден психијатар, срамежливиот и чуден Роберто ја запознава шармантната и ексцентрична Беа. Тој е клептоман и пишува несреќни бајки (како „Шумата на замрзнатите скитници“ или „Алиса во Земјата на скршените срца“) што ги плашат децата кога ги слушаат. Таа е наставничка во основно училиште, нарколептична е и пати од ненадејна и непредвидлива амнезија. Поради тоа, таа забележува сѐ што секојдневно ѝ се случува во една голема црвена книга. Помеѓу ситните кражби и неочекуваните дремки, бегања и бркотници, нивната врска напредува и на крајот тие се заљубуваат. Но, еден ден, Беа повторно се онесвестува, ја губи својата црвена книга и не се сеќава на ништо, па ни на нејзиниот живот со Роберто...