Хоумран

Содржина

Еден професионален бејзбол играч има проблем со зависност и е присилен да оди на рехабилитација во родниот град, каде искрено размислува за своето минато и прифаќа да биде тренер на еден тим отпадници, кој се натпреварува во детската лига.
Бејзбол ѕвездата Кори Бренд знае што е потребно за победа во првата лига. Но, надвор од теренот, него го прогонуваат сеќавањата од минатото и неговиот живот излегува од контрола. Во надеж дека ќе ја спаси кариерата на својот клиент, како и неговото реноме, откако тој вози под дејство на супстанции и добива суспензија од составот, неговата агентка го испраќа Кори назад во неговиот роден град, каде што има пораснато. Присилен да стане тренер на локалниот детстки бејзбол состав и да мине осум недели во единствената програма за рехабилитација во градот, Кори одвај чека да се врати на својот стар живот што е можно побрзо. Додека неговите млади играчи му помагаат да ја искуси радоста на играта, Кори ја открива својата потреба да се ослободи од своето минато и да најде надеж за својата иднина... како и повторно да ја освои љубовта што ја оставил зад себе. Со оваа неочекувана втора шанса, Кори се наоѓа на моќно патување на преобразба и искупување.