Содржина
Со препознатливиот спој на акција, хумор и спектакл, сагата за најсилниот светски херој кој сака мачиња и доаѓа од пеколот, продолжува во „Пеколко 2: Златната армија“. Поголеми мускули, подобро оружје и повеќе злобни негативци пристигнуваат во епската фантазија од режисерот номиниран за оскар, Гилермо Дел Торо („Лавиринтот на Пан“, „Пеколко“). Откако е прекршено прастарото примирје помеѓу човештвото и невидливиот свет на фантастичното, на Земјата се подготвува пекол. Еден безмилосен водач кој живее и во надземниот и во подземниот свет, пркоси на своето семејно наследство и буди незапирлива војска од суштества. Сега, најцврстиот, најсилниот херој на планетата мора да се бори со безмилосниот диктатор и неговите поданици. Можеби е црвен. Можеби има рогови. Можеби не го разбираат. Но, кога треба да се заврши некоја работа како што треба, време е да го викнете Пеколко (Рон Перлман). Заедно со својот тим од Бирото за паранормално истражување и развој, во кој се неговата девојка Лиз (Селма Блер) која може да манипулира со оган, водениот манипулатор, Ејб (Даг Џоунс) и протоплазматскиот мистик, Јохан, тој ќе патува помеѓу надземниот свет и невидениот волшебен свет каде се создаваат фантастичните суштества. А Пеколко, кој е суштество од двата света и не е прифатено во ниедниот, мора да избере помеѓу животот што го знае и непознатата судбина која го повикува.