Содржина
Маки, младото момче кое бега од трговците со робови, се спријателува со жирафата по име Зарафа, ја минува пустината, се среќава со еден пират и прави многу други работи на патувањето што го води од Африка до Париз.
Под еден баобаб, еден стар маж им раскажува приказна на децата собрани околу него. Тоа е приказна за вечното пријателство меѓу Маки, младо 10-годишно момче и Зарафа, жирафа сирак, која египетскиот паша му ја подарил на кралот на Франција, Шарл X. Принцот на пустината Хасан добива наредба од пашата да ја однесе Зарафа во Франција. Маки одлучува да стори сè што може да го спречи Хасан да ја исполни својата мисија и да ја врати жирафата назад во нејзината родна земја, па дури ако тоа значи и дека ќе го ризикува својот живот. Маки мора да го исполни своето ветување дадено на покојната мајка на Зарафа. При епското патување што ги води од Судан до Париз и минувањето низ Александрија, Марсеј и снежните Алпи, тие имаат многу авантури, сретнувајќи се со авијатичарот Малатер, со една двојка необични крави-близначки по име Мун и Сун, како и со пиратската кралица Бубулина.