Версо

Содржина

Обземен со сопствената работа, полицискиот специјалец, Алекс има тешка врска со својата поранешна сопруга и адолесцентна ќерка, Лу.
По својот развод, Алекс Декер, искусен член на специјалната единица во Женева, е загрижен за својата ќерка-тинејџерка, кога Виктор, негов поранешен партнер и најдобар пријател, кој Декер морал да го стави во затвор пред повеќе години поради бруталното убиство на една млада проститутка, повторно се појавува во неговиот живот. Двајцата мажи кои се пријатели уште од детството и кои имаат доживеано заедничка траума, склопуваат кревко примирје, но кога Виктор, кој сега работи за локалната мафија, почнува да излегува со поранешната жена на Декер, инстинктите на полицаецот почнуваат да надвладуваат. Загрижен поради желбата за одмазда кај неговиот партнер, Декер ќе се обиде повторно да го смести својот пријател во затвор, не размислувајќи за опасностите на кои ја изложува својата кариера и животот на неговиот непријател. Декер, кој целиот свој житовт бара шанса да изврши херојски чин кој ќе го искупи од случајната смрт на неговиот помлад брат, сега е опседнат со мисијата да ја спаси својата ќерка од опасноста која ја предвидува. Така, младата девојка станува фактор во конфликтот помеѓу двајцата мажи кои на себичен начин се несвесни за нејзината борба да си го најде местото во циничното општество каде родителите повеќе не си зборуваат еден на друг и каде искушенијата на нејзината генерација се обидуваат да ја примамат од сите страни. Сепак, на крајот Декер ќе открие дека решението за конфликтот со Виктор ќе го присили подлабоко да погледне во сопствената душа за да ги види работите под површината и за да открие дека неговиот непријател можеби не е оној од кој се плаши.