Содржина
Англиската учителка Ана Леоновенс направила нешто што жените од викторијанската ера едноставно не го правеле. Младата вдовица отпатувала илјадници километри со својот син, во земја која во голема мера била непозната во западниот свет. Таа пристигнала во Сијам барајќи авантура. Нема враќање од тоа што ја чека во овој чуден нов свет. Ана добива работа како учителка на 58-те деца на кралот. Таа знае многу малку за кралот Монгкут, освен фактот дека неговиот народ него го смета за бог. Таа во себе има создадено цивилизациска предрасуда за кралот, сметајќи го за нецивилизиран. Но наскоро сфаќа дека и кралот има слични погледни за Западот. Со текот на времето, Ана и кралот почнуваат да се поврзуваат. Ана открива дека Монгкут е вистински визионер кој го предводи Сијам да стане земја од современиот свет. Кралот признава дека Ана ги просветлила не само него и неговото семејство туку и самиот Сијам.