Содржина
Успешниот бизнисмен Рори го преселува семејството од САД во родната Англија. Но кога ветувањето за успешен нов почеток почнува да не се остварува, парот се соочува со непријатните вистини коишто лежат под површината на нивниот брак.
„Не е твоја работа да се грижиш. Остави му го тоа на сопругот“, е советот кој Алисон (Кери Кун) го добива од мајка си кога неволно се преселува од Америка во англиската рурална средина со нејзиниот сопруг Рори (Џуд Ло) и нивните две деца во средина на 1980-тите. Рори, амбициозен претприемач, во својата родна земја гледа шанса да заработи големи пари. Држејќи се до своите илузии, тој најмува голем но мрачен селски имот со простор за коњите на Алисон. Но наскоро семејството е на работ на колапсот поради расипничкиот животен стил и зголемената изолација. Заморени од сопствените лаги, Рори и Алисон неконтролирано се движат кон навидум неизбежната пропаст.