Потпретседателка: NICKNAMES

Содржина

Поранешната сенаторка, Селина Мејер (Џулија Луис-Драјфус) го прифаќа повикот да биде потпретседателка на САД. Работата не е таква кава што си ја замислувала, туку е онаква каква што ја предупредувале дека е. „Потпретседателка“ ги прикажува Мејер и нејзиниот кадар додека се обидуваат да ја постигнат својата цел и да остават траен белег без да се сопнат од секојдневните политички игри кои се одлика на Вашингтон.
Потесниот круг на Мејер ги вклучува: нејзиниот шеф на кабинет, Ејми (Ана Кламски), долгогодишниот портпарол Мајк Меклинток (Мет Волш), десната рака и асистентот Гери (Тони Хејл) и секретарката Су (Сафи Бредшо). Тие сите се борат со Ден Еган (Рејд Скот) кој е амбициозен натрапник и со надмениот службеник за врски во Белата куќа, Џона (Тим Симонс).
Комедијата е во режија на Армандо Јанучи, а сценаријата и снимањето ѝ се во импровизиран стил. „Потпретседателка“ е автентична серија, без да биде специфично биографска околу тоа како изгледа да се биде на чело на најмалку ефективната позиција во најмоќната администрација на светот.

Епизода 5:
Селина се опседнува со многуте негативни прекари што ѝ ги даваат блогерите. Откако претседателот не дозволува таа да учествува на еден брифинг на Сенатот, Селина го назначува Ден да добие информации од Џона, која работи во Белата куќа. Подоцна, политичките маневри на Ден ја загрозуваат судбината на Законот за чисти работни места.