Експериментатор

Содржина

Биографски филм за психологот Стенли Милграм кој осмислил експеримент што би покажал колку се подготвени обичните луѓе да им нанесуваат болка на другите под влијание на наредбите од авторитети. Резултатите покажале дека голем број од испитаниците е подготвен послушно да ги извршува наредбите на авторитетите во лабораториски мантили, дури и во случај да можат некого да усмртат. Поентата на експериментот била обид да се објасни Холокаустот, но кога весниците ги објавуваат резултатите од истражувањето, Милграм е обвинет за манипулација и измама. Иако на Харвард спроведува нови експерименти, животот му е обележан со експериментот за послушноста, а неговото реноме паѓа толку ниско што наскоро никој не му верува кога меѓу првите на универзитетот слушнал дека Кенеди е убиен. Наскоро добива работа во Њујорк и почнува на целиот град да гледа како на лабораторија, па за брзо време се враќа на темата послушност.