Содржина
Филм за потрага по слобода на еден човек и една нација. Вистинската приказна за српскиот крал Петар Први се одвива за време на Првата светска војна. Српската војска, десеткувана и гладна, се повлекува низ албанските планини до Крф, Грција.
Петар Караѓорѓевиќ е протеран од Србија како мало дете од страна на соперничката династија Обреновиќ. Нему му била одземена шансата да создаде цврсти врски со земјата во којашто бил роден, со народот чиј крал требало да биде, и со титулата што му припаѓа. Поради историските околности, тој се враќа во Србија, воведува парламентарна демократија и започнува со обнова на земјата. Но развојот на Србија е сопрен поради Првата светска војна што започнува со атентатот во Сараево. Продолжува безмилосната желба на Австро-унгарската империја да го казни српскиот народ. После херојската битка на Цер и битката на Колубара, српската влада прогласува повлекување како единствена опција. Српската војска, десеткувана и гладна, мора да се повлече низ смрзнатите планини на Албанија и да се движи кон Крф, Грција.