Содржина
Една збрка при изнајмување туристички апартман води до хаос, во духовитата комедија „Тесен апартман“, во која играат познатите актери Настасја Кински и Тимоти Далтон. Брилијантната научничка и опсесивно ефикасна самохрана мајка, Џулија Вајланд, решава дека најдобриот начин нејзините синови да се поврзат со нејзиниот претерано фин свршеник е да го минат одморот заедно, во домот што го изнајмила на островот Нантакет. Кога Расел, како и секогаш, премногу е зафатен со работата, па не може да дојде, Џулија и синовите сами се упатуваат во САД. Во меѓувреме, харизматичниот и флертувачки настроен Мет Фарагер, самохран татко и успешен готвач, ги носи своите две деца на годишен одмор. Кое е нивното одредиште? Една посебна куќа што ја изнајмуваат секоја година, на островот Нантакет... Откако пристигнуваат и се сместуваат во својот туристички дом, Џулија е ужасната кога ги гледа Мет и неговото семејство пред вратата, сосе куфери во рацете. Бидејќи и двете семејства ја изнајмиле истата куќа, а нема друго слободно сместување на островот, семејствата Вајланд и Фарагер се присилени да ја делат куќата! Отпрвин се работи за целосна војна! Додека Џулија и нејзините синови се однесуваат според своите скапоцени распореди, децата на Мет дивеат низ куќата! Мет, кој е човек со слободен дух, почнува да дивее дури и повеќе кога се фаќа со локалната убавица. Драмите на семејството Фарагер се премногу за прагматичната Џулија! Но, кога една силна бура заробува две од момчињата на море, Мет и Џулија ја делат истата цел за прв пат. Додека работат заедно да ги спасат своите синови, борбите полека стивнуваат и оваа чудна двојка почнува да ужива во своите разлики. Џулија ја обезбедува стабилноста што им е потребна на децата на Мет, додека Мет носи заразна енергија во семејната мешаница. Откако Мет на Џулија ѝ одржува заводлива лекција по готвење, меѓу нив двајцата почнува да се развива голема привлечност и почнуваат да летаат искри!