Содржина
Вистинита приказна за одметната дружина радио диџеи кои ја освоија Британија во 1960-те со пуштање рок и поп музика од еден брод, спротивставувајќи ѝ се на владата. Пиратското радио ја испорачуваше музиката која дефинираше цела генерација.
Во 1966, на Би-Би-Си се пуштало само по 2 часа рокенрол неделно. Но, пиратското радио пуштало рок и поп од море, 24 часа на ден. А повеќе од половина од населението на Британија ги слушаше пиратите секој ден. Мајката на Карл кој пред кратко време бил избркан од училиште, го испраќа кај кумот, Квентин, за тој да најде некаква насока во животот. Квентин е сопственикот на „Радио Рок“, пиратска радио станица во Северното Море, каде живее една чудна дружина од рокенрол диџеи. Пиратската станица го привлекува вниманието на владиниот министер Дорманди кој ја бара главата на овие одметници од законот. Во ерата кога тесните ходници на власта угнетуваат сè што наликува на младешки израз, Дорманди ја користи шансата за да постигне една политичка цел, па го носи Законот за прекршоци при емитување програма од море, во напор да ги направи пиратите незаконски и да го отстрани нивното несакано влијание од земјата, еднаш засекогаш. Резултатот е буквална бура на морето. Бидејќи „Радио Рок“ е загрозено, неговите верни слушатели се собираат и изведуваат епско спасување со стотици бродови во стилот на битката кај Данкирк, сè со цел да ги спасат своите диџејски херои. Некои работи можеби имаат крај, но рокенролот никогаш не умира.