Содржина
Во Англија, во раниот 18 век, пријателството на Кралицата Ана и нејзината блиска пријателка Лејди Сара Черчил, која место неа управува со државните работи, е нарушено со доаѓањето на амбициозната слугинка Абигејл.
Ран 18 век. Англија е во војна со Франција. Сепак, трките на патки и јадењето ананас цветаат. Нежната Кралица Ана (Оливија Колман) го зазема тронот, а нејзината блиска пријателка Лејди Сара Черчил (Рејчел Вајс) место неа управува со државните работи додека се грижи за слабото здравје на Ана и за нејзиниот непредвидлив темперамент. Кога доаѓа новата слугинка Абигејл Хил (Ема Стоун), нејзиниот шарм ја освојува Сара. Сара ја зема Абигејл под своја закрила и во тоа Абигејл гледа шанса да им се врати на своите аристократски корени. Кога воените политики почнуваат да ѝ одземаат премногу време на Сара, Абигејл стапува на сцена и ѝ станува придружничка на Кралицата. Нивното растечко пријателство ѝ дава шанси на Абигејл да ги исполни своите амбиции, при што нема да дозволи буквално никој и ништо да ѝ застане на патот.