Лудо летување

Содржина

Боб Монро, кој премногу работи, неговата жена Џејми, нивната 15-годишна ќерка Кејси и 12-годишниот син Карл се во очајна потреба по време што можат да го минат заедно. Откако ветува дека ќе ги носи на семеен одмор во Хаваи, Боб ненадејно го менува планот, па наместо една недела во тропскиот рај, тие одат на патување до Колорадо во едно комбе. Во планот на Боб за зацврстување на семејните односи (маневар што го прави за да не ја загуби работата), сѐ што може да тргне во лоша насока тргнува во лоша насока. А секој обид на Боб да го внесе семејството во расположение за одмор, се заканува уште повеќе да ги оддалечи меѓусебно. Но, тешкотиите можат да го обединат дури и најдисфункционалното семејство, а секој проблем што го доживуваат Монрови ненамерно им помага повторно да станат вистинско семејство.