Џони Мнемоник

Содржина

Годината е 2021, а половина од светската популација пати од болест позната како Синдром на слабеење на нервите (ССН). Џони, пренесувач на клучни податоци, е најмен да однесе 320 гигабајти клучни информации на безбедно место, од корпорацијата Фармаком. Гонет од агенти на Јакузите и еден полуден киборг, Џони мора да ги испорача податоците или да умре во рок од дваесет и четири часа.
Во 21-от век, највредните информации мора да бидат транспортирани од страна на пренесувачи како Џони (Кијану Ривс), кој склучува договор да пренесе бесценети податоци за неколку научници, одметници од големата корпорација Фармаком. Масивното количество информации е премногу за мнемоничкиот имплант кој е вграден во мозокот на Џони, а тој мора да ги најде тајните шифри за пристап за да има дозвола да ги преземе информациите или да умре. Но, преголемиот обем податоци не е единственото нешто што му се заканува во животот. Јакузите, најмоќниот криминален синдикат на светот, работат за Фармаком, а Такахаши (Такеши), шефот на Јакузите, најмува еден безмилосен ловец на глави (Долф Лундгрен) да ја донесе главата на Џони, криогенично зачувана. Со армија професионални убијци зад својот грб и неизбежен распад на мозокот кој наближува со секоја нова минута, Џони бега за да го спаси својот живот.