Си-би-џи-би

Содржина

Во 1973 година, по два банкрота, Хили Кристал позајмил пари за да го купи „Палас бар“ во Њујорк. Хили имал сон. Сакал да им даде сцена на кантри, блуграс и блуз-музичарите кои свират во живо. Од таму е и кратенката за клубот.
Филмот „Си-би-џи-би“ ја прикажува приказната за њујоршкиот ноќен клуб на Хили Кристал, од неговиот зачеток како сцена за кантри, блуграс и блуз музика, до она во што се претвори, во родно место на рокенролот и панкот. Кога Кристал имал тешкотии да најде кантри-состави за својот клуб, тој ги отворил вратите за други типови рок-музика. Кристал имал само едно барање за настапите, да свират само оригинална музика. Без хитови и без познати песни. Тоа било неговото мото, да ги поддржува уметниците, без разлика на цената. Хили Кристал иронично стана познат како кум на панкот, давајќи им шанса на состави како „Блонди“, „Телевижн“, „Рамонс“, „Токинг Хедс“, „Дед Бојс“ и „Полис“.