Содржина
Мирното повлекување на една жена во планините станува неочекувано надреално кога таа е заробена во прекрасната природа од еден невидлив ѕид. Како друштво има само едно куче, една мачка и една крава и се бори да го сфати бизарното сценарио додека надворешниот свет изгледа како да е замрзнат во времето. Додека продолжуваат да се менуваат годишните времиња, осамената жена се обидува да се асимилира кон својата изолирана околина. Филмот „Ѕидот“ е заснован врз класичниот феминистички роман на Марлин Хаусхофер и е оригинално истражување на искуството на осаменост и преживување, во една прекрасна планинска околина во Австрија. Мартина Гедек, брилијантната актерка од филмот „Животот на другите“, кој беше награден со „Оскар“, со редок и особено жив интензитет ни ја доловува својата улога на неименувана главна хероина во оваа современа приказна за женски Робинзон Крусо.