Клучен човек

СОДРЖИНА

Нова Англија, 1975 година. Боби Шејман е агент за осигурување со кариера во надолна линија. Бидејќи работата му е загрозена, а жена му бара подобар живот, Боби е во потрага по скратен пат до американскиот сон. Се чини тоа станува изводливо кога ги среќава Ирвинг и Винсент, двајца навидум богати бизнисмени. Винсент искажува интерес за полисата „Клучен човек“ со која го осигурува својот бизнис од загуба на профитот поради негова смрт или смртта на неговиот деловен партнер Чарлс. Винсент тврди дека полисата му е потребна како покритие за заем, за да го купи тимот „Бостон Ред Сокс“. Има само еден проблем. Полисата мора да е потпишана од страна на двајцата сопственици на бизнисот, нешто што Винсент сака да го избегне. Заведен од раскошниот животен стил на Винсент, Боби се нуди да ја состави лажната полиса. Кога Боби открива дека Ирвинг е гангстер и убиец и дека Винсент и Чарлс се поранешни љубовници, тој сфаќа дека Винсент планира да го убие Чарлс за самиот да ги земе парите од полисата. Уплашен за своето семејство, Боби прави очајнички напор да ги надмудри двајцата мажи, но настаните добиваат смртоносна насока кон полошо.