Содржина
Врз основа на бестселер-романот од Кетрин Стокет, во „Тајниот живот на куќните помошнички“ Ема Стоун ја игра Скитер, Виола Дејвис - Ајбилин, а Октавија Спенсер – Мини, три многу различни и необични жени во Мисисипи од 1960-те. Тие градат необично пријателство околу еден таен писателски проект кој ги крши општествените правила и сите нив ги става во ризик. Од нивниот чуден сојуз се раѓа неверојатно сестринство, кое им дава храброст да ги преминат границите што ги дефинираат и да сфатат дека понекогаш тие граници се создадени за да бидат преминати, па дури и доколку тоа значи сите во градот да се соочат со времето што се менува. Длабоко трогателен, исполнет со чувства, хумор и надеж, „Тајниот живот на куќните помошнички“ претставува безвремена и универзална приказна за способноста да се создаде промена.