Содржина
Кога 4 пријатели патуваат кон Вегас, не се свесни дека ќе искусат исконски страв. Откако колата ќе им се расипе, тие мораат да се вратат во цивилизацијата. Но, Расти Нејл, камионџија-убиец бара тие да платат патарина... во човечки тела!
Во ЛУДО ВОЗЕЊЕ 2: ПРАВО ВО СМРТ, продолжението на мрачниот хит трилер од 2011, „Лудо Возење“, негативецот „Расти Нејл“ повторно стапува во акција. Но, овој пат, ако е тоа возможно, психопатскиот убиец има уште помрачни намери за одмазда. Мелиса, нејзиниот свршеник, Боби, сестра ѝ Кајла и новото момче на Кајла, Ник, кого го запознава на Интернет, одлучуваат да патуваат во Лас Вегас за да го прослават свршувањето на Мелиса и Боби. Но, кога нивната кола се расипува на еден осамен пат, без мрежа на мобилните телефони, тие се присилени да ја остават и пешки да бараат помош. Тие доаѓаат до една изолирана фарма каде за чудо, во амбарот наоѓаат еден Шевролет Шевел автомобил од 1971 во употреблива состојба. Со секоја намера да го вратат, четворицата влегуваат во старовремскиот автомобил и се упатуваат кон најблискиот град. Но, пред да се свестат, тие се наоѓаат во голема неволја – на ужасно, страшно и брутално возење до пеколот.