Закопан

Содржина

Пол Конрој (Рајан Рејнолдс) е американски камионџија кој е најмен за работа во Ирак и додека испорачува кујнска опрема како дел од хуманитарната програма за помош, него го заробуваат герилци кои сакаат да го држат како заложник. Подоцна тој се буди 2 метри под земја и животот за овој семеен човек наеднаш станува пеколна борба за преживување. Закопан само со еден мобилен телефон и со една запалка, неговиот контакт со надворешниот свет и можноста да открие каде е неговата локација се премногу ограничени. Слабиот прием и батеријата која нагло се троши, како и сè помалото количество кислород му стануваат најлоши непријатели во оваа тесна трка со времето. Борејќи се против паниката, очајот и делириумот, Пол има само 90 минути да биде спасен пред да му се оствари најголемиот кошмар.