Писма за Јулија

СОДРЖИНА

Едноставната идеја за романтичната љубов може да ги натера луѓето да ја испитаат нејзината одржливост, разумност, како и храброста која е потребна за да не се игра на сигурно и да се промени сопствениот живот. Тоа е идејата на романтичната комедија, „Писма до Јулија“, со Аманда Сејфилд („Мама миа“, Ванеса Редгрејв (шест пати номинирана за награда на Академијата и добитник за „Јулија“’), Кристофер Еган („Ерагон“), Гаел Гарсија Бернал („Дневникот на еден моторџија“) и Франко Неро („Умри машки 2“) во улогите. Филмот е во режија на Гери Виник („Мрежата на Шарлот“, „13 оди на 30“) и во продукција на Марк Кантон, Елен Баркин и Керолин Каплан. Сценариото е на Хозе Ривера (номинираниот за наградата на академијата за „Дневникот на еден моторџија“) и Тим Саливан. Рон Шмит е извршен продуцент. Сејфилд ја игра Софи Хал, новинарка во едно списание, која заедно со нејзиното момче, Виктор (Бернал) лета од Њујорк во Италија за романса која ѝ е многу потребна. Додека Виктор се грижи за своите деловни обврски, Софија се наоѓа во познатиот двор на Јулија Капулети од „Ромео и Јулија“ во Верона, каде жените од целиот свет оставаат писма за изгубена љубов и за љубов за која се надеваат. Таа открива едно писмо старо 50 години, кое Клер Смит (Редгрејв) ѝ го напишала на Јулија, барајќи еден млад Италијанец кој бил вљубен во неа кога била тинејџерка. На изненадување на Софи, писмото ја инспирира Клер, која сега е старица, да допатува во Верона, барајќи ја својата изгубена љубов (Неро). Придружувана од својот внук, Чарли (Еган), тројцата бараат низ цела Тоскана и откриваат дека храброста која е потребна за сите тие да се справат со љубовта, не е лесна за освојување. Но, поттикот да влезе во оваа авантура, според нејзиното мислење е унапредувањето на нејзината кариера. Софи претчувствува дека ова може да биде приказна која ќе ѝ ја унапреди кариерата. Што почнува да ѝ помага на Клер, таа открива дека ја бара нејзината приказна само за да избега од приказните на нејзиниот сопствен живот.