Лоши банки

Младата банкарка Јана е вмешана во интрига што ја присилува да предизвика штета на сопствената банка. „Лоши банки“ ни го претставува психолошкиот профил на една индустрија и на нејзините протагонисти.
Откако е неправедно отпуштена од „Кредит интернационал“, престижна инвестициска банка во Луксембург, талентираната млада банкарка Јана Лиекам добива понуда за работа од соништата во Франкфурт, под надозр на Габриел Фенгер, директор за инвестициско банкарство во „Дојче инвест“. Јана ненадејно мора не само да се откаже од својата работа туку и да ги напушти своето момче и неговата петгодишна ќерка. Додека Јана на брзина успева да ги импресионира Фенгер и неговиот тим со својата страст и амбиција, таа предоцна сфаќа дека нејзината поранешна шефица во „Кредит интернационал“, Кристел Лебланк, тајно манипулирала со Јана. Јана наскоро е растргната помеѓу нејзините сопствени нови обврски и уцената на Лебланк... Па, ќе успее ли нејзината кариера да ја преживее оваа безмилосна игра?