Од создавачот на серијата Дејвид Сајмон („Треме“ и „Жица“ на ХБО) и од режисерот Пол Хагис („Судар“),според истоимената книга од Лиза Белкин, кратката серија во шест дела „Покажи ми херој“ се занимава со темите за домот, расата и заедницата преку животите на политичарите кои се на функција, бирократите, активистите и обичните граѓани во Јонкерс, Њујорк. Во Америка, која одамна ги поминала најголемите борби за граѓански права во 60-тите години на 20-тиот век, младиот градоначалник (Оскар Ајзак) на еден американски град со средна големина се соочува со наредба од Федералниот суд да изгради мал број социјални станови во белечките соседства на неговиот град. Неговиот обид да го стори тоа предизвикува раздор во целиот град, ја парализира општинската власт и на крајот ги уништува градоначалникот и неговата политичка иднина.