Содржина
Адам е просечно момче од работничката класа, кое живее во мал град во Америка. Тој е автомеханичар кој слободното време го поминува со блиските пријатели Крис, Ник и Ортуо, од кои не се одвојува. Тие заедно играат покер, видеоигри, кошарка, се опиваат и запознаваат девојки. Но, Адам има тајна за која не знаат ни неговите најблиски другари. Него не го интересираат баш жените. Кога тоа го изјавува, навидум случајно, неговиот најдобар пријател Крис му ветува дека ништо нема да се промени но, секако, некои работи повеќе нема да бидат исти. По првобитниот шок, момците набргу сфаќаат дека Адам и понатаму е истиот тип. Меѓутоа, кога неговиот заеднички состанок со Крис завршува неславно, една пијана расправија се заканува да ги уништи односите во целата група. Ова е забавна и трогателна комедија за пријателството, која ги отсликува болното растење и бескрајната сила на вистинското пријателство.