Содржина
„Тајната градина“ веќе стотина години е задолжително четиво за многу генерации и често се опишува како култен роман за растење во природа, кој привлекува и млади и возрасни читатели. Според книгата и порано беше снимен филм, но тоа не го спречи Дејвид Хејман, продуцентот на филмовите за мечето Падингтон и за Хари Потер, повторно да се зафати со истиот материјал.
Мери Ленокс е 9-годишнио девојче чии родители умираат во епидемијата на колера во Индија, а таа е оставена сама и заборавена во нивната колонијална вила. Кога конечно ја пронаоѓаат британските соседи и војници, излегува дека никој не сака да се грижи за разгалената и пргава Мери, па затоа наскоро ја испраќаат на брод за Англија, каде што треба да ја посвои најблискиот роднина, кого Мери никогаш не го сретнала - господинот Крејвен (Колин Фирт). Бидејќи сè во Англија го потсетува на смртта на саканата сопруга, господинот Крејвен обично не е во земјата, туку патува по светот, па Мери останува целосно сама на неговиот далечен и непријатен имот на северот на Англија. Но, еден ден Мери открива заклучена врата покриена со бршленот што расте на ѕидот од градината. Настаните што следуваат целосно ѝ го менуваат животот.