Хотел Мумбај

Содржина

„Хотел Мумбај“ се темели на вистинска приказна за уништувачкиот терористички напад врз хотелот “Таџ Махал“ во 2008. Ужасниот напад ги доведува гостите и персоналот на луксузниот хотел во очајна борба за опстанок. „Хотел Мумбај“ претставува впечатлива вистинска приказна за хуманоста и хероизмот којашто детално ја прикажува опсадата на познатиот хотел “Таџ Махал“ во 2008 г. од страна на група терористи во Мумбај, Индија. Во групата на посветени хотелски работници е и познатиот готвач Херман Оберој (Анупам Кер) и еден келнер (Дев Пател, „Милионерот од предградието“), кои ги ризикуваат своите животи за да ги заштитат гостите. Додека светот гледа, очајниот пар (Арми Хамер, „Викај ме со твоето име“ и Назанин Бонијади, „Хоумленд“) е принуден да направи незамислива жртва за да го заштити новороденото дете.