Транзит

Содржина

Кога човек пребегува од Франција по нацистичката инвазија, презема идентитет на мртов автор чии документи се во негови раце. Заглавен во Марсеј, среќава млада жена која трага по загубениот маж – истиот маж чиј идентитет тој го презел.
Германската пешадија е пред Париз. Георг бега до Марсеј во последен момент. Неговиот багаж содржи наследство од писателот по име Вејдел, кој се самоубива во страв од гонење. Наследството содржи текст, писма и гаранција од Амбасадата на Мексико за виза. Само тие што може да докажат дека ќе заминат се примени во овој пристанишен град, а тоа значи дека е потребна влезна дозвола од потенцијална земја примател. Преземајќи го идентитетот на Вејдел, Георг се обидува да дојде до еден од малкуте премини до брод. Меѓу бегалци се водат разговори по ходниците на неговиот мал хотел, во чекалните на конзулатите и во кафулињата и баровите крај пристаништето. Георг се спријателува со Дрис, синот на починатиот пријател Хајнц, кој умрел при обид на бегство. Но кога ја среќава мистериозната Мари, неговите планови се менуваат.