Содржина
Мек е татко чија ќерка Миси е грабната во тек на еден семеен излет и потоа е убиена. Единственото што останало, нејзиното крваво фустанче, полицијата го пронаоѓа во напуштена колиба во дивините на Орегон.
Четири години подоцна тажниот Мек добива чудна порака, повик да ја посети истата таа колиба. Се двоуми, но сепак заминува и доживува средба со Бога, или поточно со Светото Тројство, прикажано во ликот на крупната и весела црнкиња (Отецот), неугледниот и ситен маж со арапски црти на лицето (Синот) и нежната Азијатка Сарају (Светиот Дух). Откако ќе ги добие одговорите на бројните вечни прашања, Мек се помирува со Бога, кому по убиството на ќерката, речиси му го има свртено грбот.