Содржина
Што се случува кога една факултетска студија по психологија оди во погрешна насока? Во овој напнат психолошки трилер врз основа на вистинита приказна, Били Крудуп го игра професорот на „Стенфорд, д-р Филип Зимбардо, кој во 1971 година собрал 24 студенти доброволци да глумат затвореници и чувари во симулирана затворска средина за да го испита изворот на насилното однесување во затворскиот систем. Резултатите го вџасија светот. За само неколку дена, учесниците од студенти се претворија во садисти опседнати од моќта и во потчинети жртви. Филмот е добитник на две награди на филмскиот фестивал „Санденс, вклучително и на наградата за најдобро сценарио кое е создадено во тесна соработка со самиот д-р Зимбардо. „Затворскиот експеримент на Стенфорд е морничав и возбудлив трилер за темната страна на моќта и за влијанието на затворската средина.