Вжештени глави

Содржина

Пародија на „Топ Ган“, во која еден талентиран но нестабилен пилот (Чарли Шин) на воен авион мора да се соочи со духот на својот татко и да ја спаси мисијата што ја саботираат алчните производители на оружје.
Од режисерот Џим Абрамс, еден од умовите зад филмовите „Авион!“ и „Гол пиштол“, пристигнува уште една пародија. Овој пат, Абрамс го мерка акционо-авантуристичкиот жанр, особено филмот „Топ Ган“. Чарли Шин го игра Топер Харли, налудничав воздухопловен пилот, кој постојано живее во сенката на славата на татко му. Неспособен да го издржи притисокот, Харли го напушта воздухопловството за да живее во индијанско племе. Но, кога неговата земја, САД, сака да уништи едни ирачки нуклеарни постројки, има само еден човек за таа работа. Откако го привлекуваат да се врати во службата, Харли наскоро сфаќа дека сега, освен со Садам Хусеин, ќе мора да се справи и со својот ривал (Кери Елвс) меѓу пилотите, како и со еден злобен директор на компанија за воздухопловство.