Содржина
Врз основа на „Куќата на Версаче: Нераскажаната приказна за генијот, убиството и преживувањето, познатата книга на новинарката на „Волстрит џурнал, Дебора Бол, филмот ни ја прикажува приказната за Донатела, која по убиството на нејзиниот брат, светски познатиот дизајнер Џани Версаче, во зенитот на неговиот успех, одеднаш станува главна дизајнерка на неговата модна империја. Донатела отпрвин беше исмевана од критичарите низ целиот свет, па западна во зависност од дрога и ја доведе компанијата речиси до банкрот. Со помош од своето семејство, вклучително и од својата ќерка Алегра, тетката Луција и братот Санто, таа отиде на рехабилитација за да се соочи со сопствените демони и наскоро се врати посилна од кога било за да го поврати брендот „Версаче со сопствената визија и да изгради една од најмоќните и највлијателни модни куќи во историјата.