Мерење на светот

Содржина

Двајца научници го откриваат светот во раниот 19 век. Нивните методи се сосема различни. Природонаучникот Хумболт патува во далечни земји за да го измери светот. Математичарот Гаус останува дома за да ги направи пресметките.
Двајца од најголемите умови на 19 век, математичарот Карл Фридрих Гаус и научникот Алексадар фон Хумболт, своите студии ги посветуваат на мерењето и разбирањето на светот во кој живеат. Овој епски филм, со неверојатни визуелни ефекти, претставува биографија на животите на овие големи луѓе. Хумболт, човек со страст за истражување на светот, е спореден со Гаус, човек што својот свет го искусува преку математичките теории и бројки. Со помош од својот колега Аим Бонпланд, Хумболт патува низ Земјата и физички го доживува светот кој сака да ги разбере, применувајќи модерно, компаративно, научно размислување за непознатите региони. Иако во поголемиот дел од својот живот Гаус останува во истата изолирана заедница, неговото внатрешно патување кон математичките откритија се покажува како исто толку богато и визуелно неверојатно како и авантурите на Хумболт во далечните делови од светот. Се мешаат факти и измислици, често пати со хумористичен резултат, за да се забележат наодите на овие двајца многу различни мажи, но кои, во секој случај, ги барале истите одговори.