Содржина
Откако од страна на една отфрлена љубовница е претворен во вампир, Барнаба Колинс е закопан два века, сѐ додека не се буди во променет свет во 1972 година, наоѓајќи го својот уништен имот, а неговото семејство го мачат загадочни тајни.
Режисерот Тим Бартон ја враќа култната класична серија „Мрачни сенки“ на филмскиот екран, со ѕвездена актерска екипа предводена од Џони Деп, Мишел Фајфер и Хелена Бонам Картер. Во 1750 година Џошуа и Наоми Колинс со својот млад син Барнаба испловуваат од Англија за да почнат нов живот во Америка, каде што градат рибарска империја на брегот на еден град во Мејн, кој почнува да го носи нивното име, Колинспорт. Минуваат две децении, а сопственикот на имотот Колинвуд, Барнаба, веќе е богат, моќен и зависник од љубовни авантури... сѐ додека не прави грешка и се вљубува во убавицата по име Џозет Дупре и го крши срцето на Анџелик Бушард. Анџелик е вештерка во секоја смисла на зборот и го проколнува на судбина која е полоша од смртта, па го претвора во вампир и потоа го закопува жив. По речиси два века, Барнана е случајно ослободен од својот гроб и се буди во променетиот свет од 1972 година. Враќајќи се на имотот Колинвуд, тој дознава дека неговиот имот е руиниран, а ништо подобри не се ни дисфункционалните преостанати членови на семејството Колинс од кои секој си има свои мрачни тајни. Кога Барнаба се обидува да ја врати старата слава на името на своето семејство, само една работа стои на неговиот пат. Тоа е најпознатата жителка на Колинспорт, која се вика Енџи... и многу личи на старата познајничка на Барнаба Колинс.