Луда, глупава љубов

СОДРЖИНА

На четириесет и кусур години, Кал Вивер го живее својот сон. Тој има добра работа, убава куќа, супер деца, како и брак со својата симпатија од средно училиште. Но кога Кал дознава дека жена му Емили го има мамено и сака развод, неговиот „совршен“ живот набргу тргнува во погрешна насока. Уште полошо е и што Кал нема појдено на љубовен состанок со децении и го има изгубено шармот. Сега, додека несреќниот Кал ги минува своите слободни вечери пиејќи во еден локален бар, него под закрила го зема згодниот триесет и неколкугодишен шармер Џејкоб Палмер. Во обид да му помогне на Кал да ја преболи жена си и да почне да го живее својот живот, Џејкоб ги отвора очите на Кал за многуте опции што се пред него. Тоа се жените подготвени за флерт, пиењето со пријателите и чувството за стил, кое не може да се најде во „Суперкатс“ или во „Геп“. Кал и Емили не се единствените што бараат љубов на погрешни места. Роби, тринаесетгодишниот син на Кал, луд е по својата 17-годишна бејбиситерка, а Џесика е вљубена во Кал. И покрај преобразбата на Кал и неговите бројни успеси, единственото нешто што не може да се промени е неговото срце, кое изгледа сепак го води назад, онаму каде што почнал.