Содржина
Филмот е инспириран од вистинитата приказна за група студенти на МИТ кои ја усовршиле уметноста на броењето карти и освоиле милиони во казината во Вегас. Барајќи начин да си ја плати школарината, Бен Кемпбел е регрутиран од најталентираните студенти на МИТ за смелиот план да го „измолзат Вегас. Со помош од брилијантниот професор по статистика и вооружени со лажни лични карти, со интелигенција и со сложен систем за броење карти, Бен и неговите пријатели успеваат да се пробијат во непробојните казина. Заведен од парите и од животниот стил во Вегас, како и од паметната и сексапилна членка на тимот, Џил Тејлор, Бен почнува да ги тестира границите. Иако броењето карти не е незаконско, влоговите се високи, а предизвикот не е само во бројките туку и во избегнувањето на опасниот обезбедувач на казината, Кол Вилијамс.