Содржина
Во доцните 60-ти и 70-ти години, Сузет (Голди Хон) и Вини (Сузан Сарандон) биле две најпознати следбенички на рок-бендови во Јужна Калифорнија. Нив Френк Запа ги нарекол „Сестри рокерки“. Најдобрите пријателки Сузет и Вини се имаат забавувано речиси со сите битни рок-ѕвезди од тоа време и имаат колекција од фотографии како доказ за нивните диви авантури.
Во 2001 година, Сузет сè уште е девојка со слободен дух, а откако ја губи работата како шанкерка во еден рок-клуб во Лос Анџелес, таа одлучува да ја побара Вини, која не ја видела 20 години. Сузет оди во Феникс, Аризона за да ја изненади Вини со посета, а по пат го собира Хери (Џефри Раш), писател кој има креативна блокада, не знае да вози и немал секс цела деценија.
По пристигнувањето, Сузет открива дека Вини не е баш истата личност која ги бркаше сите мажи со долга коса и со електрична гитара. Вини сега се вика Лавинија и е уреднаа мајка и сопруга од предградието, столб на заедницата и повеќе можеш да ја најдеш дома, на забава во дворот отколку на некој концерт. Повторното соединување на „Сестрите рокерки“ е судир на двата света на две жени. Едната живее во минатото, а другата се крие од него. И двете ја учат вредноста на тоа да се живее во сегашниот миг.