Патот на север

Содржина

Еден почитуван концертен пијанист неочекувано се соединува со својот отуѓен татко по 35 години. Тие одлучуваат да патуваат низ Финска, во обид да ги поправат своите заладени односи.
Тимо е ценет концертен пијанист, чиј личен живот е за никаде. Еден ден пред својата врата тој среќава еден постар и запуштен човек. Излегува дека човекот Лео е неговиот татко, кој заминал од земјата кога Тимо имал 3 години и не контактирал со него цели 35 години. Лео е вечен шегаџија со позитивен став кон животот, а морал да ја напушти татковината поради неколку непријатни случки. Сега тој се враќа за да му пренесе на својот син едно мошне таинствено наследство и да одговори на прашањата во однос на минатото. За да го стори тоа, тие двајца ќе мораат да одат на патување кон северот. Тоа што почнува како комичен и чуден судир на личности, завршува како емотивно откритие додека двајцата мажи несвесно си помагаат еден на друг да се помират со сопствените неуспеси.