Шеф

Содржина

Жаки Боно (Микел Јун) е талентиран готвач, но иако самиот за себе вели дека е Моцарт зад шпоретот, тој останува речиси аматер и работи во лоши ресторани чии гости немаат разбирање за неговите високи стандарди и кулинарски експерименти. Покрај тоа, кога неговата сопруга ќе забремени, тој мора да се откаже од работата што ја сака и да се посвети на постабилна, но многу досадна работа со добар извор на приход. Од друга страна, неговиот идол Александар Лагард (Жан Рено) е врвен професионалец, најпознат француски готвач кој води ресторан именуван по него, а има и свое кулинарно шоу. Сепак, и кај него во последно време не цветаат рози, бидејќи останува без нови идеи, а бескрупулозниот сопственик на ресторанот почнува да му се меша во бизнисот и сака да го замени со растечка кулинарска sвезда. Случајната средба помеѓу Жаки и Александар им отвора можност и на двајцата да ги решат своите проблеми, но заради нивните различни карактери, тоа доведува и до серија луди ситуации и смешни сцени помеѓу двајцата готвачи.