Воин

Содржина

Новите ѕвезди Том Харди и Џоел Едгертон играат двајца отуѓени браќа, кои се соочуваат со најтешката борба во нивните животи, во филмот „Воин“, кој е трогателна и инспиративна акциона драма од ценетиот режисер Гавин О'Конор („Чудо“). Прогонет од трагичното минато, маринецот Томи Конлон (Харди) се враќа дома првпат по четиринаесет години за да побара помош од својот татко (Ник Нолти) да тренира за „Спарта“, најголемиот натпревар за боречки вештини во историјата. Поранешниот талент во борење Томи го трасира својот пат кон натпреварот, додека брат му Брендан (Едгертон), кој е поранешен борец а сега учител, се враќа во рингот, во очајнички обид да го спаси своето семејство од финансиска пропаст. Но, кога и покрај очекувањата Брендан почнува да победува, тој ќе мора да се судри со несопирливиот Томи, а двајцата браќа на крајот се соочуваат еден со друг, но и со силите што ги разделиле, кулминирајќи во најголемиот, најемотивниот и најнезаборавниот климакс што не смее да се пропушти.