сезона: 4
Содржина
ХБО ја претставува премиерата на четвртата сезона од познатата комедија создадена од Армандо Јанучи (номиниран за „Оскар за косценариото во „Јамка), во која има остар и сатиричен поглед врз затворениот свет на политиката во Вашингтон, следејќи го секојдневниот живот на поранешната потпретседателка и сегашна претседателка Селина Мејер (Џулија Луис-Драјфус во нејзината улога наградена со „Еми).
Откако претседателот си даде оставка, а Селина даде заклетва на крајот од третата сезона, четвртата сезона почнува кога претседателката Мејер се подготвува за својот прв говор, иако останува да видиме дали нејзиниот мандат ќе трае подолго од најкраткиот мандат во Америка на претседателот Вилијам Хенри Херисон. Иако Селина се искачила на највисоката положба во земјата, таа сепак мора да оди на избори и во текот на 10-те епизоди од сезонава, Селина и нејзиниот персонал се обидуваат да направат таа да изгледа „претседателски, одлучувајќи кој би ѝ бил совршен партнер за потпретседател. Влоговите за Селина сега се повисоки од кога било претходно, а серијата продолжува да докажува дека во Вашингтон, дури и најбаналните одлуки можат да имаат огромни последици со неочекувани, а често пати и урнебесни резултати.