Земјата под моите нозе

Содржина

Лола си го контролира личниот живот со истата ефикасност што ја користи за да го зголеми профитот на работното место. Кога трагичен настан ја враќа нејзината ментално болна сестра Кони во нејзиниот живот, Лола ја губи врската со реалноста.
Лола е богат деловен консултант што применува агресивни тактики и е постојано на своето работно место. Нејзината рутина е останување до доцна на работното место, убави вечери со клиентите и краткотрајни преспивања во стерилни хотелски соби. Навршувајќи 30 г. Лола е убава, оди на вежбање, а нејзината кариера брзо ја води кон успехот. Лола си го контролира личниот живот со истата ефикасност што ја користи за да го зголеми профитот на работното место. Таа ја држи во тајност врската со нејзината шефица Елиза, исто како и постоењето на нејзината постара сестра Кони, која има долга историја на ментална болест. Но кога Лола ја добива веста дека Кони се обидела да се самоубие, се јавува закана дека нејзините тајни ќе излезат во јавноста. Додека се обидува да го направи најдоброто за сестра ѝ без да го загрози она за коешто вредно работела, Лола полека сфаќа дека ја губи врската со реалноста.