ПУ-239

Содржина

„Пу-239 ја раскажува приказната за еден посветен татко и сопруг (Педи Консидин) во постсоветска Русија, кој работи во една полураспадната нуклеарна централа. Откако е изложен на смртоносна доза на радијација додека се обидува да спречи катастрофа во централата, од него прават жртвено јагне и го суспендираат без плата. Со само неколку дена преостанати да живее, тој е очаен да им обезбеди егзистенција за својата сакана жена (Рада Мичел) и на младиот син, па импулсивно краде мала количина Пу-239 (плутониум кој може да се употребува за оружја) и се упатува во Москва во обид што побрзо да го продаде.
Тој се замешува меѓу ситните мафијаши во градот и во незаконската трговија со нуклеарно оружје, барајќи помош од еден неспособен гангстер (Оскар Исак) за да ја продаде опасната стока на црниот пазар, што потенцијално може да има смртоносни последици за целиот свет. Чудната двојка оформува необично пријателство врз основа на љубовта кон семејството и желбата сè да се стори за него.
„Филмот е инспириран од краткиот расказ на Кен Калфус и особено ме привлече односот помеѓу тивкиот владин службеник и нервозниот и насилен криминалец, кога нивните патишта се сретнуваат во Москва, вели сценаристот и режисер Скот З. Бурнс. „Двајца мажи, со навидум различни животи, но со заедничка страст кон одговорноста, која доаѓа со татковството. Нема ништо што не би сториле за своето семејство.