Кони и Карла

Содржина

Кони (Нија Вардалос) и Карла (Тони Колет) се најдобри пријателки кои го делат истиот сон уште од тинејџерки - да се прослават на музичката сцена. Сепак, по години поминати во чикашките театарски кругови, двете се соочуваат со средовечна возраст со минимално успешна кариера. Една вечер, по еден настап, Кони и Карла несреќно стануваат сведоци на убиството на сопственикот на еден ноќен клуб, Френк, од страна на еден мафијаш од понизок ранг; убијците ги гледаат девојките и тие почнуваат да бегаат, исплашени за своите животи. Кони и Карла завршуваат во Лос Анџелес, каде се борат да си создадат нови идентитети. Откако гледаат една претстава со трансвестити таа вечер, тие сфаќаат дека имаат повеќе талент од повеќето мажи кои настапуваат вечерта, па одлучуваат да се обидат да добијат „тезга како имитатори на жени. Новиот настап на Кони и Карла веднаш станува хит, па наскоро тие стануваат познати помеѓу хомосексуалната заедница на Лос Анџелес. Но, жените откриваат дека е тешко да ги лажат луѓето дека се мажи, а работите дополнително се усложнуваат кога мафијашите откриваат дека Кони и Карла се во Лос Анџелес. Во меѓувреме Кони се вљубува во Џеф (Дејвид Духовни), обичен тип кој го бара својот брат кој е трансвестит и не може да разбере зошто се вљубува во трансвестит.