Весник

Содржина

Двајцата најславни актери на својата генерација, тројната Оскаровка Мерил Стрип и двојниот Оскаровец Том Хенкс за првпат заедно во политичката драма на Стивен Спилберг.
Се работи за вистинитите случувања и аферата за т.н. „Пентагонски документи“, односно улогата што весниците ја одиграле во неа.
Дејството е фокусирано на објавувањето на Пентагонските документи во Вашингтон Пост, со што неговите новинари во 1971 г. ја откриваат вистината за војната во Виетнам. Се работи за низа службени документи на американското министерство за одбрана коишто воениот аналитичар Дан Елсберг им ги доставува на новинарите. Том Хенкс ја игра улогата на уредникот на Вашингтон Пост, Бен Бредли, а Мерил Стрип ја гледаме како главната издавачка на весникот, Кеј Греам, која влегува во судски спор со владата во времето на претседателот Ричард Никсон.