Содржина
Во 1412 година се раѓа девојчето Јованка во селото Домреми во Франција. Тоа се тешки времиња, стогодишната војна со Англија трае од 1337 година, а англиски витези и војници крстарат по земјата. Јованка станува побожна девојка, а кога ќе наполни 13 години, ја доживува првата визија. Враќајќи се дома, гледа дека Англичаните го срамниле со земја нејзиното село. Оттогаш таа знае дека нејзина мисија е да ја ослободи Франција од Англичаните и решава да се сретне со кралот Карло Седми. Наоѓајќи се во очајна воена ситуација, тој прифаќа секаква можна помош и ѝ дозволува на младата девојка да ја докаже својата божествена мисија. По успешното ослободување на Орлеан и Ремс, според традицијата, кралот е крунисан во катедралата во Ремс, па Јованка веќе не му е потребна, зашто сите негови желби се веќе исполнети. Јованка Орлеанка е фатена во неговата стапица и станува затвореничка на Бургундците...